Gould-Pudde
| Amphibien | ||||||||||
|---|---|---|---|---|---|---|---|---|---|---|
 Een Gould-Pudde (Incilius periglenes) | ||||||||||
| Systematik | ||||||||||
|
Ju Gould-Pudde (Incilius periglenes) waas ne litje middel-amerikoanske Pudde, ju däälich dän Sleek Incilius in ju Foamielje fon do Bufonidae touoardend wäd. In allere Systematiken wuude ju Oard tou dän Sleek fon do Äächte Pudden (Bufo) täld. Ju Oard wuude eerste in do 1960er Jiere apfuunen, un so fier as me weet, roate dät düsse Pudde uk bloot ap een Flakte fon n poor Quadroatkilomeetere Bierich-Dookwoold in Costa Rica, do dan as Biologisk Reservoat Monteverde unner Skuts stoald wuuden. Ju lääste lieuwjende Gould-Pudde wuude in dät Jier 1989 blouked. Fermoudelk is ju Oard däälich uutstuurwen. Gruund foar dät Uutstierwen is wildääge die Klima-Wonnel. Wäkke Foarskere kweede, dät uk uur Uumewaareld-Faktoren, so as dät Ouholtjen fon Woold rund uum dät Reservoat tou, tou dät Uutstierwen biedrain hääbe.