Diskussion:Seeltersk an do Skoulen

Skoule af Schoule

Heinz häd dät Woud Schoule truch Skoule ärsätted. Iek bän nit sicher, af dät gjucht is. In alle Woudelisten stound Schoule, Klaasterschoule u.s.w.. Iek toanke, dät Skoule blood ju Schäddeler dialekt is. Do kweede ja uk Skäddel anstatt Schäddel. Bie dän offiziellen Noomen SKÄDDEL häd dan uk ju Meente ne Uutnoame bie ju Noomensboarden moaked, wäil do Schäddeler dät so wülden. Dät Projekt noomt sich uk "Seeltersk an do Schoulen". Wät meene do uur Benutsere? --Bernd 13:12, 19. Nov 2010 (UTC)

Noa, bolde alleweegense is ju Uutsproake ap Seeltersk phonetisk [sx], dät is dät holloundske sch. Bit foar kuute Tied is dät uk altied as sch schrieuwen wuuden. Dät häd dän Gefoor, dät dät as hoochdüütsk sch uutspreeken wäd. Fielicht deeruum häd Prof. Fort betoacht, dät me dät beeter as sk schrieuwe kon. Doo UN hääbe sik deer oawers noch nit uur äntsleeten, dan dät is uk bestimd nit sk as ap Wäästfräisk. Deeruum lät sik fielicht noch ne beetere Schrieuwwiese fiende. --Pyt 18:12, 19. Nov 2010 (UTC)

SK is goud foar mie. Kening Aldgilles

Toumoal do maaste Seelter fermoudelk tou eerste düütsk skrieuwe leerden, is dät gjucht woarskienelk, dät jo mäd n SCH dän düütsken SCH-Luud in Ferbiendenge brange. SK, deeruum dät dät uurs is, ferbiestert minner, toumoal dät juu Fräiegaid lät dät so uuttoubaalen, as dät skrieuwen wäd (kumt säilden uk foar), af dät as n [ʃk] af [ʃɡ] uutboald wäd (dät is dät, wät iek ap maaste heerd hääbe), juust so, as dät düütske Woud "Spiel" mäd SP skrieuwen, daach mäd n SCHP / SCHB boald wäd. So lät juu SK-Skrieuwwiese dän Baaler noch fuul Fräiegaid. N gjucht SCH (wiermäd iek [ʃ] meene) hääbe iek bloot insen heerd, bie n Mon, die wäil alle Deege düütsk boald.

--Heinz 19:42, 23. Nov 2010 (UTC)

Sjuch fääre Wikipedia:Weerskup#SK-Skrieuwenge. --Pyt 18:37, 1. Jan 2011 (UTC)