Biebelsk Aramäisk

As Biebelsk Aramäisk beteekent me do aramäiske Varietäten, do in wäkke Deele fon dät Oolde Tästamänt insteede fon dät Hebräiske bruukt wäide. Ap Aramäisk skrieuwen sunt foaraaln Deele fon dät Bouk Daniel un fon dät Bouk Esra. Uurswain in ju Biebel rakt dät bloot oankelde litje Steeden, do ap Aramäisk ferfoated wuuden, dät maaste is ap Hebräisk. Dät rakt litje Ferskiele twiske dät Aramäiske in dät Bouk Esra un in dät Bouk Daniel.

As dät biebelske Hebräiske is uk dät biebelske Aramäiske in Quadroatskrift uurlääwerd.