Antarktikoa

Antarktikoa is n Waarelddeel uum dän Suudpool fon ju Äide, mäd ne Loundmasse fon 13,2 Millionen km². Uum dän Waarelddeel tou lait die Antarktiske Ozean, die uurgungt in dän Pazifiske Ozean un dän Indiske Ozean. Uungefeer 90 % fon aal dät Ies ap ju Äide un 75 % fon do Swäitwoater-Reserven sunt in ju bit tou 4500 m tjukke Iesdäkke äntheelden. Wan dät antarktiske Ies aal smilt, sticht die Peegel fon ju See uum sowät 58 Meetere. Uungefeer 280.000 km² fon dän Waarelddeel is iesfräi, dät is sowät 2,4 Prozent fon ju ganse Loundfläche.

Et rakt neen Lounde ap Antarktikoa, man dät rakt Lounde do Ansprüche moaked hääbe ap Deele fon Antarktikoa. Do fertreedene Lounde moakje Foarskenge ap dät Waarelddeel un deerfoar rakt et ferscheedene Foarskengsstatione. Die Arktiske Ferdraach is fon ferscheedene Lounde unnerteekend. Deeroun stoant, dät do nit bewoonde Gebiete fon Antarktikoa twiske 60 un 90 Groad suudelke Bratte bloot foar freedelke Benutsenge of wietenskuppelke Foarskenge foarbeheelden blieuwe.

Stoat	Gebiet	Anspruchsgränse	Siet
Argentinien	Argentinisk Antartktikoa	25°W bit 74°W	1943
Australien	Australisk Antarktisk Gebiet	160°E bit 142°2′W un 136°11′W bit 44°38′E	1933
Brasilien	Brasilianisk Antarktikoa	28°W bit 53°W	1986
Frankriek	Adélielound	142°2′E bit 136°11′E	1924
Groot-Britannien	Britisk Antarktisk Gebiet	20°W bit 80°W	1908
Norwegen	Köönigin Maud-Lound	44°38′E bit 20°W	1939
Norwegen	Peter I-Ailound	68°50′S 90°35′W	1929
Näi-Seelound	Ross Gebiet	150°W bit 160°E	1923
Chile	Chilenisk Antarktisk Gebiet	53°W bit 90°W	1940
	Neen Ansprüche	90°W bit 150°W

Klik hier foar moor touheerige Mediendoatäie ap Wikimedia Commons.