Akronym
Een Akronym (fon Ooldgriechisk ἄκρος / ákros, dät hat "Spitse, Raant", un deertou ὄνομα / ónoma, of in dän doorisken un dän Ääoolsken Dialekt ὄνυμα / ónyma, dät hat "Noome"), is een besunnere Foarm fon een Oukuutenge. Akronyme äntstounde deer truch, dät Woude of Woudkoppele ap hiere Ounfangsbestounddeele kuuted wäide, do me dan touhoopeföiget.
Dät rakt ferskeedene Foarmen fon Akronyme.
Initsjoalwoude
[Beoarbaidje | beoarbaidje Wältext]In dän äängsten Sin sunt Initsjoalwoude een Akronym. Biespile deer foar sunt:
- INRI foar Iesus Nazarenus Rex Iudaeorum, "Jesus uut Nazareth, Köänich fon do Juuden".
- LASER foar Light Amplification by Stimulated Emission of Radiation, "Ljoacht-Ferstäärkenge truch stimulierde Emission fon Stroalenge".
- NATO foar North Atlantic Treaty Organization, "Noud-atlantiske Ferdraachsorganisatsjoon", juust so uk ju frantsööske Uursättenge OTAN foar Organisation du traité de l’Atlantique nord.
- SPQR foar Senatus Populusque Romanus, "Roomsken Senoat un Foulk", wierbie dät enklitiske -que, dät hat "un", as n Woud foar sik oukuuted wäd.
Besunnere Foarmen und äänelke Phänomene
[Beoarbaidje | beoarbaidje Wältext]Dät rakt noch moor Foarmen, biespilswiese dät Apronym, wier ju Oukuutenge een bestoundend Woud rakt, biespilswiese:
- ΙΧΘΥΣ / Ichthys ("Fisk") – Ἰησοῦς Χριστός Θεοῦ Υἱός Σωτήρ (‚Jesus Christus, Goddes Suun, Erlooser‘), wät uk n bitje so lät as n Liestenriemsel (Akrostichon).