Stokpielenge

Uut Wikipedia
Wikselje tou: Navigation, Säike (08)

Ju Stokpielenge is ne Methode, uum ju Hööchte fon n relativ nai bie stoundend Objekt tou schätsjen. Ju wäd foarallen fon Buskoarbaidere un Förstere tou ju Gröötenbestimmenge fon Boome truchfierd.

  • Uursättenge in Tonk fon [1]

Bäätergruund[Beoarbaidje | Quelltext bearbeiten]

Height measuring with a stick.png

Disse Schätsenge lääse äänelk as bie dän Tuumesproang do Sträkkenferhältnisse fon dän Stroalensats tougruunde. Die anpailde Stok (Meetstoab) an dän uutsträkte Ierm fon n Woaksenen is sowät 70 Zentimeter fon dät Gesicht oawe. Bie bekoande Distanz tou dän Boom lät sik so ju Hööchte fon dän Boom mäd genöigende Genauegaid an dän Stok ouleese. Die Tuumensproang doocht hier nit tou, deeruum dät deermäd bloot ne horizontoale Schätsenge muugelk is.

Kritiske Betrachtenge[Beoarbaidje | Quelltext bearbeiten]

In ju Grafik is ne Idealsituation foar ju Meetenge deerstoald. Deerbie lait ju Oogenhööchte fon dän Betrachter in Hööchte fon do Boomwuttele. Dät kuude biespilswiese bie aan hooger an n Bierich stoundenden Boom die Fal weese. Ju Loage is oawers in do maaste Falle so, dät do Fäite fon dän Betrachter sik in ju Hööchte fon do Boomwuttele befiende. Deertruch is naan gjuchten Winkel bie ju Meetenge roat. Ju deerbie aptreedende Ouwiekenge fon ju Meetenge houget me oawers nit tou oachtjen. Ap n Eende honnelt sich dät daach bloot uum ne Schätsenge.

Truchfierenge[Beoarbaidje | Quelltext bearbeiten]

  • Oustand tou dän Boom bestimme
  • Aan mäd Meetmäärken fersäinen Holtstoab wäd an dän uutsträkten Ierm hoochheelden.
  • Uur ju unnerste Stoabmarkierenge wäd ju Boombasis anpield.
  • Ju Markierunge fon dän Holtstoab, wier ju Baumspitse uur anpield wäide kon, wiest ju Hööchte fon dän Boom direkt of ätter Multiplikation mäd n Faktor an.

Sjuch uk:[Beoarbaidje | Quelltext bearbeiten]

Pielenge, Fästeräägel, Tuumeräägel, Tuumesproang, Jookubsstoab