Stich

Uut Wikipedia
Wikselje tou: Navigation, Säike (08)

N Stich beteekent ne Spielrunde bie ferscheedene Koartenspiele, do wäide deeruum uk Stichspiele naamd.

Stiche[Beoarbaidje | Quelltext bearbeiten]

N Spieler spielt uut, d. h. lait ne Spielkoarte ap dän Disk un de Riege ätter lait älken uur Spieler ne Koarte bietou – bie do maaste Spiele in Klokwiesersin, bie dät Tarock juun dän Klokwiesersin.

Dän Stich wint (moaket) dän Spieler, die der ju hoochste Koarte spield häd; hie kricht do uutspielde Koarten, lait do ferdäkt foar sik ou un spielt toun naisten Stich uut.

Wäkke Koarte as hoochste jält, is fon do individuelle Spielräägele ouhongich.

Bie n Spil sunner Truuf (Sans atout of No trump), z. B. n äntspreekenden Kontrakt bie dät Bridge wint die Spieler dän Stich, die ju hoochstrangige Koarte fon ju uutgespielde Faawe in dän Stich laid häd.

Bie n Spil mäd Truufe wint die Spieler, die dän hoochste Truuf in dän Stich laid häd. Schuul in dän Stich naan Truuf lääse, so jält ju Räägel as bie n Spil sunner Truuf.

Biespil: Cœur (Haat) is Truuf. Noud spielt ♣ 3, Aast spielt  8, Suud spielt ♣ 8 un Wääst rakt  9, so sticht Wääst mäd ju  9 as hoochsten Truuf. In n Spil sunner Truuf wuude Suud dän Stich mäd ♣ 8 as hoochste Koarte fon ju anspielde Faawe winne.

Stiche wäide ferdäkt oulaid, oulaide Stiche duuren in Algemeenen wüülst n Spil nit moor ankieked wäide, daach rakt et hier Uutnoamen: Bie dät Schnapsen is et biespilswiese oafte so, dät n Spieler do oaine Stiche truchkiekje duur un sik dän eerste Stich fon dän Juunpaatäi wiese läite kon.

Twonge[Beoarbaidje | Quelltext bearbeiten]

Bie do maaste Stichspiele jäilde bestimde Räägele, wäkke Koarten touroat wäide duuren:

Faawetwong[Beoarbaidje | Quelltext bearbeiten]

Faawetwong of Betjoontwong betjut, dät älken Spieler ferplichted is, ne Koarte fon ju Faawe fon ju toueerst uutspielde Koarte tou spieljen, sofier er deertou instande is (Faawe betjoonje blw. Faawe bekanne).

Besit n Spieler neen äntspreekende Koarte, so duur er so man ne uur Koarte spielje (ousmiete).

Besit n Spieler moorere Koarten fon ju anspielde Faawe, so houget er nit unbedingd ne haagerwäidige Koarte tou spieljen, hie houget nit tou fersäiken, dän Stich tou winnen, hie kon uk largierje. Fgl. Whist, Bridge, usw.