Stellingwerfsk

Stellingwerfsk Sproakgebiet

Dät Stellingwerfske (Stellingwarfs, uk Oertsjongersk noomd) is n läichsaksisken Dialekt, die der boald wäd in dän grootste Deel fon do Meenten Aast- un Weststellingwerf (touhoope do Stellingwerve), Steenwijkerlound un n litjen anlääsendenden Deel fon Drenthe. Uutnoamen sunt do Täärpe Haulerwijk un Waskemeer (bee Ooststellingwerf), wier Wäästfräisk boald wäd, un dät Gestrich uum dät Täärp Noordwolde tou, wier sik unner Ienfloud fon do Feenkoloniën ne oaine Sproake äntwikkeld häd. Do Stellingwerve sunt n Gebiet in Wäästfräislound wier siet oolden Tieden neen Fräisk boald wäd. Dät Skeed twiske Stellingwerfsk un Fräisk Gebiet wäd markierd fon ju Äi die Kuunder [küünder], die der ap Wäästfräisk Tsjonger hat. Die wäästfräiske Noome Uurtsjongersk foar dät Stellingwerfske kumt deerhäär.

Stellingwerfske Bouke

Ju Biebeluursättenge in dät Stellingwerfsk waas ap n 12. Moai 2010 ärskiend.

Dät Stellingwerfsk Woudebouk (Stellingwerfsk-Niederloundsk) bestound uut fjauer Deele mäd uungefeer 70.000 bit 80.000 Woude. 2005 ärskien n Woudelieste Niederloundisk-Stellingwerfsk.

N gjucht bekoande Dialektskrieuwer is Johan Veenstra. Hie häd Bouke in dät Stellingwerfsk skrieuwen un sien maast ferkoopte Bouk is in dät Wäästfräisk uursät wuuden.

Spreekerantaal

Skild bie ne Kuunderbrääch mäd Text: Jie passierje n Sproakeskeed.
Links unner stounde Woude in Stellingwerfsk, Wäästfräisk un Niederloundisk.

Wofuul Stellingwerfsk, Wäästfräisk un Niederloundisk in do bee Meenten boald wäide, is unnersoacht wuuden in n Quick-Scan fon ju Provinz Fryslân in do Jiere 2007 un 2011. Do Resultoate sunt so:

Resultoate Quick-Scan 2007
Huussproake	Waäststellingwerf	Aaststellingwerf
Stellingwerfsk	29%	12%
Fräisk	18%	41%
Niederloundisk	53%	47%

Resultoate Quick-Scan 2011
Huussproake	Waäststellingwerf	Aaststellingwerf
Stellingwerfsk	22%	11%
Fräisk	22%	39%
Niederloundisk	56%	50%

Minner as 5 % fon dät Jungfoulk boald Stellingwerfsk.

Sjuch uk

• Dialekte in Fryslân

Externe Ferbiendengen

• Stichting Stellingwarver Schrieversronte
• Stichting Stellingwerfs Eigen (mäd t.B. Biebeluursättenge)

Wällen, Anmäärkengen un Ätterwiesengen

Wällen, Anmäärkengen un Ätterwiesengen:

Sproaken un Dialekte in ju Provinz Fryslân (do Niederlounde)

Sproaken: Niederloundsk | Wäästfräisk Fräiske Dialekte: Noudhouksk | Kloaifräisk | Wooldfräisk | Suudwäästhouksk | Skylgersk (Westersk) | Aastersk | Hylpersk | Schiermönkoogisk Holloundsk-Fräiske Dialekte: Stäädfräisk: Ljouwertersk, Snitsersk, Frjentsjertersk, Harnzersk, Boalsertersk, Dokkumersk, Starumersk, Feanstersk, Kollumersk | Biltsk Holloundske Dialekte: Midsloundsk | Ameloundsk | Flieloundsk Läichsaksiske Dialekte: Stellingwerfsk | Pompstersk | Wäästerkertiersk