Rousettus aegyptiacus
Uut Wikipedia
| Rousettus aegyptiacus | ||||||||||||
|---|---|---|---|---|---|---|---|---|---|---|---|---|
 Rousettus aegyptiacus |
||||||||||||
| Systematik | ||||||||||||
|
Rousettus aegyptiacus is ne Oard fon doo Pteropodidae, doo, as doo nai früünde heemske Fläddermuuse ook, tou doo Flädderdierte heere. Disse Oard is juu eensiche fon doo Pteropodidae, juu sik, as dät normoal bloot Fläddermuuse moakje, mäd Echolot orientierje kon. Disse Oard frät bienaist bloot Fruchte, man fon juu Boomoard Ceratonia siliqua ook gans litje Bleede.
Inhooldsferteeknis |
[Beoarbaidje] Lieuwendsruum
Joo lieuwje ap Zypern, gans in dät Suude fon juu Turkäi, in Israel, Jordanien, Iran, Pakistan, Saudi Arabien un in dät Nil-Delta in Ägypten. Ätter SPITZENBERGER, 1979, kuud me doo in disse Tied noch in gans groote Gruppen fon bit tou 800 Dierte in Höölen fiende, doo der 20 bit 40 Minuten ätter dän Sunnenunnergong uutkoomen. Man wült doo Appeltuun-Oainere disse Oard (owwol juu bienaist bloot fuule Fruchte frät) fernäile wollen, kon me der däälich bloot noch litje Gruppen mäd bit tou 20 Dierte fiende.
[Beoarbaidje] Määrkmoale
Rousettus aegyptiacus häd ne keetich griesbruune Faawe, man is an juu Unnersiede un an juu Näkke moor bruunelk jeel. Litje Bäidene fon disse Oard hääbe äänelke Faawen, man joo hääbe n kuuter Fäl.
[Beoarbaidje] Mäiten
Juu Loangte fon Kop un Rump is 138 bit 168 mm. Die Stäit is 16,8 bit 24,5 cm un die Unnerierm (beeter gekweeden: Unnerjuuke) is 89 bit 100 mm loange. Juu Juuken-Sponwiete is sowät 60 cm. N Diert fon disse Oard wächt 135 bit 175 g.
[Beoarbaidje] Wällen
- Willfried Schober un Eckhard Grimmberger: Die Fledermäuse Europas KOSMOS ISBN 3-440-07597-4
