Museumsiersenboan Ammerlound-Bäärsel-Seelterlound

Uut Wikipedia
Wikselje tou: Navigation, Säike (08)
3-deelige Drieuwwoain VT98 (Uerdinger Schienenbus) fon ju "Museumseisenbahn Ammerland-Saterland"
Lok "Köf 3" mäd twäin "Donnerbüchsen"-Woaine
"Lokschuppen" fon dän Fereen
Die oolde Boanhoaf fon Skäddel is Hooldesteede fon ju Museumsiersenboan Ammerlound-Seelterlound.
Ju Skäddeler Määlne is n Siel fon ju Boan
Besäikere konnen in Roomelse mäd dän "Seelter Foonkieker" in dän Wäästerfoan fiere
Sträkke fon ju Museumsiersenboan
In Elisabethfeen kon dät "Moor- und Fehnmuseum" besoacht wäide
In Bäärsel is ne Foart mäd dät Skip "MS Spitzhörn" muugelk
Carolinenhof is dät Siel foar Ietensfoarten

Truch Seelterlound fiert ju Museumsiersenboan Ammerlound-Bäärsel-Seelterlound (MABS; düütsk: Museumseisenbahn Ammerland-Barßel-Saterland). Ju Boane lapt fon Bad Twiskenoan af Ooldenbuurich bit Seedelsbierich. In ju eerste Tied heerde uk noch dän Sträkkendeel Ocholt bit Wäästerstede deertou, man uut düssen Deel fon ju Sträkke hääbe se nu ne "Draisinensträkke" foar Uurloofere moaked.

Geskichte[Beoarbaidje | Quelltext bearbeiten]

Ju Museumsiersenboan sät dän siet 1908 truch Seelterlound fierende Such fout, die ap 28. Sept. 1968 dät lääste Moal truch Seelterlound fierd is. Die Fereen wuud ap n 13. September 1991 gruunded uum ju buute Gebruuk keemene Sträkke daach foar n Toukumst tou bewoarjen. Ap ju Gruundengsfersamlenge wieren so'n 70 Moanskene, wierunner uk so'n 10 uut Seelterlound. An n 29. Dezember 1994 wuud n oolden Drieuwwoain T1 uut 1925 in Gebruuk nuumen. Dät waas die ooldste Düütske Drieuwwoain. Düssen Drieuwwoain wuud fon dän Iersenboanfrüünd Jochen Ewald uut Osterforde tou Ferföigenge stoald. Ewald was bliede, dät hie ne Unnerstaalmuugelkhaid fuunen hied un die Fereen kuud deerfoar mäd dän Drieuwwoain fiere. Daach wuud uk fersoacht oaine Drieuwwoaine tou fienden un ätter ne groote Spendenaktion kuuden dan Eende April 1995 träi Woaine in Ocholt begröited wäide.

Die "Jungfernfahrt" fon dän eerste oaine Drieuwwoain VT98 waas ap n 22. Juli 1995. Sietdäm fiert dan ju Museumsiersenboan älke fjautien Deege uk truch Seelterlound un brangt uk Besäikere ätter ju Skäddeler Määlne, ätter dän "Seelter Foonkieker" in Roomelse, ätter dät "Moor- und Fehnmuseum" in Elisabethfeen af ätter dät Skip "MS Spitzhörn" in Bäärsel. N poor Moal jierelks moakje do uk ne Ietensfoart ätter Carolinenhof foar n an ju Jierestied oanpassed Ieten (Kohlfahrt af Spargelfahrt af Wüüld- un Gäiseieten). Tou Sunnerkloastied moakje do Foarten mäd Bäidene un n Sunnerkloas ätter ju Skäddeler Määlne.

Ieuwenske düsse normoale Foarten moakje do uk "Sonderfahrten" fääre wäch. So waas ju Museumssuch uk al in dän Fiskeräihoawen fon Bremerhoawen un bie ju Museumsboan Bremerhoawen-Bederkesa (2007), in Aurk un Norden (2008), ap ne Foart truch Weser-Ems (2009) un in Wilhelmshoawen bie dät jierelkse "Wochenende an der Jade" (2009/2010).

Düütske Boan[Beoarbaidje | Quelltext bearbeiten]

  • 1907 Ju Sträkke fon Ait bit Skäddel is ap n 1. Okt. 1907 kloar, dät eerste Moal kon n Such ätter dät Seelterlound fiere
  • 1908 Ju Sträkke fon Skäddel bit Ocholt is ap n 1. Sept. 1908 kloar, ju eerste Such fiert truch gans Seelterlound ap ju Sträkke Ait - Ocholt
  • 1968 Die lääste Persoonensuch fiert ap n 28. Sept. 1968 truch Seelterlound
  • 1968 Fon nu an fiere bloot noch Frachtwoaine truch dät Seelterlound
  • 1973 Ju Sträkke fon Seedelsbierich ätter Ait wuud oubreeken
  • 2001 Ju Sträkke wuud ap n 1. April 2001 fon ju "Emsländische Eisenbahn GmbH" foar 1,-- DM uurnuumen un moaket sietdäm dän Frachtferkier fon Seedelsbierich bit Ocholt

Museumsiersenboan Ammerlound-Seelterlound[Beoarbaidje | Quelltext bearbeiten]

  • 1991 Die Fereen "Museumseisenbahn Ammerland-Saterland e.V." wuud ap n 13. Sept. 1991 gruunded
  • 1992 Ap n 2. Moai 1992 is n "Sonderfahrt" fon Ooldenbuurich ätter Bäärsel, uum Jield for dän Fereen tou sammeljen
  • 1994 Die eerste (nit oaine) Drieuwwoain T1 uut 1925 kuumt ap n 29. Dez. 1994 in Ocholt oan
  • 1994 Die eerste Foart mäd n tou Ferföigenge stoalden oolden Drieuwwoain T1 uut 1925
  • 1995 Die Fereen kricht n oainen Drieuwwoain VT98 Eende April 1995
  • 1995 Die eerste oaine Drieuwwoain VT98 häd sin "Jungfernfahrt" ap n 22. Juli 1995
  • 2008 Ju Sträkke wuud bit tou Bad Twiskenoan ferlaangerd. Die Foart begint sietdäm in Bad Twiskenoan un af un tou uk al in Ooldenbuurich
  • 2013, Juli "Museumseisenbahn Ammerland-Barßel-Saterland e.V." (MABS)

Foartjuuge[Beoarbaidje | Quelltext bearbeiten]

Die Fereen häd

Statione fon ju Sträkke[Beoarbaidje | Quelltext bearbeiten]

Bielde[Beoarbaidje | Quelltext bearbeiten]

Foarstand[Beoarbaidje | Quelltext bearbeiten]

  • Sabine Schröder (1. Foarsitter)
  • Heiko Nitsch ( 2. Foarsitter)
  • Werner Ubbens, Skäddel (3. Foarsitter)

Literatuur[Beoarbaidje | Quelltext bearbeiten]

  • Museumseisenbahn Ammerland-Saterland e.V., Rolf-Dieter Plois-Ferlach, Westerstede, 1995

Ferbiendenge ätter buuten[Beoarbaidje | Quelltext bearbeiten]

 
Museen un museoale Iengjuchtenge in dät Ooldenburger Lound

Seelterfräiske Kulturhuus

Museen
Skäddeler Määlnemuseum | Foan- un Feenmuseum Elisabethfeen | Museum Buurich Stickhusen | Museumstäärp Kloppenbuurich |
Feen- un Skeepfoartsmuseum Wäästrauderfeen | Skoulmuseum Folmhuusen
Museoale Iengjuchtenge
Museumsiersenboan Ammerlound-Bäärsel-Seelterlound (MABS)