Koos Tiemersma
Koos Tiemersma (*10. Meerte 1952 in Frjentsjer) waas twiske 1999 un 2009 n fräisken Skrieuwer. Tiemersma is in ne Buurenfamilie in Frjentsjer (Wääst-Fräislound) apwoaksen. Hie moakede sien Koasteruutbildenge un oarbaidet siet 1975 in ju Gruundskoule in Kollumersweach, deer woont hie uk.
Musiker
[Beoarbaidje | beoarbaidje Wältext]As Sjunger tried hie uk Solo ap, so as bie dät Tsjochfestival in Drachten. Hie waas Gruunder un Meeglid fon ju fräisksproakige Band Skift (1992-1999). Ap Eende fon do njuugentiger Jiere fäng hie mäd skrieuwen oun. Skift won die twäide Pries bie Liet '92 (Musikwetbewerb in Wääst-Fräislound) un die eerste Pries bie dät Noud-Niederloundske Läidwetbewerb mäd ferskeedene Läidere. Deerätter foulgede ne riege Shows bie ferskeedene Buurensteeden in Fryslân, Groningerlound un Uuriesel. In 1999 is juu Gruppe uutnunner geen.
Skrieuwer
[Beoarbaidje | beoarbaidje Wältext]In 1999 skreeuw hie n Dööntjen foar dän Rely Jorritsmapries, deerfoar kreech hie n goud Uurdeel fon ju Jury. Truch dän Ärfoulch geen hie fääre mäd sien Skrieuwoarbaid un skreeuw dät Dööntjen Job - in alter (Job - n Oalter), wiermäd hie een Jier leeter dän Rely Jorritsmapries won. Hie geen fääre mäd skrieuwen, Job - in alter waas ju Gruundloage foar sien Debütroman De Ljedder (ju Laadere) (2002); deeruur wieren do Leesere un Literatuurkritikere gjucht positiv, deerfoar kreech hie in Februoar 2004 n Rink van der Veldepries.
Tiemersma sien twäide Roman, De mjitte (ju Mäite), ärskeen in 2004. Uk uur dit Bouk wieren do Leesere gjucht positiv. Do Literatuurkritikere hieden ferskeedene Meenengen. Jabik Veenbaas, Sjoerd Bottema un Erik Hoekstra wieren positiv, man Jetske Bilker waas jusälge Meenenge as bie De mjitte, ätter Bilker skuul ju Struktuur fon dät Bouk nit stäärk genouch weese foar dän Inhoold.
In 2006 hiede Tiemersma sien trääde Roman kloor, It liet fan de Ibis (Dät Läid fon dän Ibis). Literatuurkritiker Joop Boomsma foont do ferskeedene Ieuwenen fon dät Bouk gans besunner, man hie waas nit uurtjuugd. Abe de Vries waas ne uur Meenenge, hie foont dät Bouk n näien Roman, die der nit tiepelich wäd.
In 2007 skreeuw Tiemersma Mind Games: fertelling fan in kaartehûs (Dööntjen fon n Koartenhuus), dät do Ljuude in ju fräiske Boukewiek as Goawe kreegen bie n Bouk dät do koopeden. Jetske Bilker un uk Jaap Krol wieren bee gjucht positiv.
In n Februoar 2009 waas Under wetter (Unner Woater) kloor. In Under wetter skrift Tiemersma foar dät eerste Moal uur ju Toukumst insteede fon uur ju Geskichte.
Ap n 25. Dezember 2009 moaket Tiemersma ap sien Websiede bekoand dät hie ätter tjoon jier apheert mäd skrieuwen.
Uur Aktivitäte
[Beoarbaidje | beoarbaidje Wältext]Tiemersma is Boas (Foarsitter) fon dät wääst-fräiske Skriuwersboun (Skrieuwerbuund).
Bie sien Besäik an Siauliau (Litauen) in 2007 häd hie ju litauske Literatuur kannen leerd. Ätter Tiemersma is ju litauske Literatuur, wät ju Grööte beträft, tou ferglieken mäd ju wääst-fräiske Literatuur. In Juni 2009 waas aan uut Litauen in Wääst-Fräislound tou Besäik foar n Foardraach uur ju litauske Literatuur. Dät Eende fon Tiemersma sien Bouk ûnder wetter is uk in Litauen.
Thema
[Beoarbaidje | beoarbaidje Wältext]In De Ljedder un De mjitte gungt Tiemersma wieruume in ju Tied. Deerbie kon die Leeser sjo wäkke Seeken dän apwoaksene Haudpersoon annerd hääbe. In It liet fan de Ibis wäd skrieuwen uur n nigerianisken Ienwooner fon ne litje wääst-fräiske Stääd, die truch Fermiskenge mäd Seeken tou dwoon kricht, wierbie die oaine Beloang fon do Meespielere n wichtigen Faktor is. Mind Games - die Tittel ferwiest ap n Läid fon John Lennon - gungt uur ne gäistige Raise fon n Mon unner un ätter sien Haattransplantation. In Under wetter skrift Tiemersma uur ne radikale fräiske Gruppe, ju der in Ljouwert un Grins blift, as Fräislound in 2065 unner Woater kumt, uum ju fräiske Sproake tou behoolden.
Wierk
[Beoarbaidje | beoarbaidje Wältext]- 2002 : De Ljedder (Roman)
- 2004 : De mjitte (Roman)
- 2008 : De mjitte (Heerbouk)
- 2006 : It liet fan de ibis (Roman)
- 2007 : Mind Games: fertelling fan in kaartehûs (skrieuwen as Gift in ju fräiske Boukewieke)
- 2009 : Under wetter (Roman)
- 2012 : Einum (Roman)
De Ljedder is ätter dät Niederloundske wai uursät. Fon De mjitte is 2008 dät Heerbouk ärskienen.
Priese
[Beoarbaidje | beoarbaidje Wältext]- 2000: Rely Jorritsmapries foar ju Dööntje Job – in alter
- 2004: Rink van der Veldepries foar dät Bouk De ljedder
- 2015: Gysbert Japicxpriis foar dät Bouk Einum
Ferbiendengen
[Beoarbaidje | beoarbaidje Wältext]- (fy) (nl) Website Koos Tiemersma (21. Juni 2009)
- (nl) Fräiske-Literatuursiede fon Jelle van der Meulen - Koos Tiemersma (21. Juni 2009)
Wällen, Anmäärkengen un Ätterwiesengen:
- (fy) Tresoar, Frysk Histoarsyk en Letterkundich Sintrum - Tiemersma, Koos (21. Juni 2009)
- (fy) Friesch Dagblad, 26. Februoar 2004 - Rink van der Veldepriis 2004 foar Koos Tiemersma (21. Juni 2009)
- (fy) Leeuwarder Courant, 14. August 2004 - Jabik Veenbaas: It ferstannige fanke, mar ûndertusken! (uur De mjitte) (tou lääsen ap Koos Tiemersma sien Websiede) (21. Juni 2009)
- (fy) De Moanne/Trotwaer, 2005, nr. 2 - Sjoerd Bottema: Doe. En noch. En wer. (uur De mjitte) (21. Juni 2009)
- (fy) Farsk, 2004, nr. 37 - Jetske Bilker: Ferlern yn ferline (uur De mjitte) (21. Juni 2009)
- (fy) Websiede Joop Boomsma - It liet fan de ibis (21. Juni 2009)
- (fy) Leeuwarder Courant, 4. August 2006 - Abe de Vries: De iene eangst of de oare (uur It liet fan de Ibis) (tou lääsen ap Koos Tiemersma sien Websiede) (21. Juni 2009)
- (fy) Friesch Dagblad, 28. Februoar 2007 - Jaap Krol: Nei Lennon op de Eiger (uur Mind Games) (21. Juni 2009)
- (fy) Leeuwarder Courant, 23. Februoar 2007 - Jetske Bilker: Twaddehâns hert (uur Mind Games) (tou lääsen ap Koos Tiemersma sien Websiede) (21. Juni 2009)
- (fy) Leeuwarder Courant, 27. Februoar 2009 - Sietse de Vries: Ik skuor graach oan in dea hynder (uur Under wetter)] (21. Juni 2009)
- (fy) It Nijs, 26. Dezember 2009 - Tiemersma hâldt op mei skriuwen