Haudwoud

Uut Wikipedia
Wikselje tou: Navigation, Säike (08)

Dät Haudwoud (Substantiv) beteekent n Ding af Begrip.

Konkrete Substantive und abstrakte Substantive[Beoarbaidje | Quelltext bearbeiten]

Konkrete Substantive (of Konkreta) beteekenje physiske Eenhaide, do der, in n Prinzip toumindest, fon een fon do Sinsorgoane beooboachted wäide konnen (t. B. Stoul, Appel of Atom, man uk Noomen as Sienke). Deerjuun ferwiese Abstrakte Substantive (of Abstrakta) ap abstrakte Objekte, dät hat, Ideen of Konzepte (t. B. Fräiegaid of Hoopenge, man uk eenfach Keelde of Djuurte, also wät me nit sjo kon). Maastens is dissen Unnerskeed uutsluutend, man daach hääbe eenige Substantive moorere Betjuudengen, eenmoal konkret un eenmoal abstrakt, t.B. dät Substantiv Kunst, dät sik in de Räägel belukt ap n Konzept (t.B. Kunst is n wichtich Element fon ju moanskelke Kultuur), man wät sik uk ap ne bestimde Grafik beluuke kon (t.B. iek klieuwje uus Wucht hiere Kunst an dät Köilskap).

Eenige abstrakte Substantive hääbe n abstrakten, as uk n konkreten Sin, wierbie die eerste truch figurative Äntwikkelenge uut dän lääste äntsteen is. Deertou heere Koai un Sieuwe. Ap Seeltersk sunt fuul abstrakte Substantive bilded uut Oainskupswoude un Tiedwoude mäd Eendengen as -e, -enge, -haid, -dum, -skup). Biespiele sunt Ljoowe (fon dät Oainskupswoud ljo), Deelenge (fon dät Tiedwoud deele), Falskhaid (fon falsk), Oaindum (fon oain), Bliedskup (fon bliede).