Hans Leo Haßler von Roseneck

Uut Wikipedia
Hassler uut 1593

Hans Leo Haßler von Roseneck (uk: Hassler oder Hasler'; deept ap dän 26. Oktober 1564 in Nürnbierich; stuurwen ap dän 8. Juni 1612[1] in Frankfurt (Main)) waas aan düütsken Komponist, Klokken- un Musikautomoaten-Moaker in ju Uurgongstied twiske Renaissance un dän äddere Barock. Uurspröängelk hiet hie bloot Hans Leo Haßler, man in 1595 wude hie touhoope mäd twäin Bruure oadeld un hiet fon 1604 dan uk "von Roseneck".

Tiedwiese kreech hie in Venedig musikoalsken Unnergjucht bie Andrea Gabrieli, dän Unkel fon dän bekoande Komponist Giovanni Gabrieli. Mäd Giovanni Gabrieli ferstuude hie sik uk gjucht goud. Do bee komponierden uk in aan äänelken Stil.


Foutnooten[Beoarbaidje | beoarbaidje Wältext]

  1. Ätter Meyers Konversationslexikon 1888–1890 (Band 8, S. 202) ap dän 5. Juni 1612. http://www.retrobibliothek.de/retrobib/seite.html?id=107733&imageview=true