Doarne
| Doarne | ||||||||
|---|---|---|---|---|---|---|---|---|
 Doarne (Vespa crabro) |
||||||||
| Systematik | ||||||||
|
Ju Doarne af Doddene (Vespa crabro) is ne groote Oard fon Häspe un heert also tou do Insekte. Dät rakt moorere Unneroarden in disse Oard. Ju Doarne is in fuul Geegende gans säilden un stoant deer unner Natuurschuts.
[Beoarbaidje] Määrkmoale
Ju Doarne sjucht uut as ne gans normoale Häspe uk, man mäd ne Loangte fon 18-35 mm is ju besunners groot. Ju monnelke Doarne is mäd bit tou 23 mm litjer as dät Wieuwke mäd bit tou 35 mm. Dät Kop-Skild fon ju Doarne (n Skild ap dän Kop (Caput), unner juu Stierne). Die Räst fon dän Kop un ook fon dän Thorax (Brustousnied fon n Insekt) is swot un rood. Ook dät Abdomen (Bääterdeel fon n Insekt) häd n litjen rooden Deel, die Räst derfon is swott un jeel strieped. Gjuchts un links sjucht me do groote Facettenoogene, ap ju Stierne tjo Punktoogene, in ju Midde sunt do Fäilere anwoaksen un deerunner is dät jeele Kopskild. Ju Doarne häd, as die Nome (fergliek him mäd dät Düütske Woud "Dorn" foar "Stiekel", wät woarschienelk etymologisk früünd is), n Stiekel. 500 bit 1000 Stääke sunt gefoarelk foar normoale Moanskene. Ne Doarne stat ook nit gliek, man moaket n Fluchtfersäik, bloot, wan ju nit fluchtje kon af wan me dät Nääst fernäile wol, is dät gans normoal, dät ju stat.
[Beoarbaidje] Gemeenskup fon do Doarnen
Doarnen lieuwje, as Iemen ook, in ne Gemeenskup. Gnau as ook bie do Iemen wäd disse Gemeenskup fon ne Muur, ju aal do Oaiere lait, gruundet. Do Moaden woakse ook in Moarten, do oawers nit uut Woaks, man uut ne Oard "Papier" moaked sunt. Man Huunich kon me nit fon Doarnen gewinne, wült jo hiere Moaden nit mäd Huunich, man mäd litje Insekte un Spinnen fodderje.
-
Dät Oai
-
Doo Moarten fon ne Doarne
-
Ne litje Doarne kumt uut ne Moarte
-
N Doarnennääst
[Beoarbaidje] Wällen
- Heiko Bellmann: Welches Insekt ist das? Franckh-Kosmos, Stuttgart 2005, ISBN 3-440-09874-5
- Gerd Ohnesorge un Bernd Scheiba: Tierspuren & Fährten in Feld und Wald Bassermann-Ferlaach ISBN 978-3-8094-2071-2
