Diego Rivera
Diego María de la Concepción Juan Nepomuceno Estanislao de la Rivera y Barrientos Acosta y Rodríguez, kuut: Diego Rivera (bädden ap dän 8. af 13. Dezember 1886 in Guanajuato; stuurwen ap dän 24. November 1957 in Mexiko-Stääd) waas aan bikoanden mexikoansken Moaler fon ju Moudeerne. Hie skäl kreoliske, ruske un indioanske Foaroolden häbe, man fielicht kwad hie dät uk bloot so. In sien Bielden ferwierkede hie uk sien kommunistiske Uurtjuugenge. Hie waas twäie mäd Frida Kahlo ferhilked.
Biespil-Wierke[Beoarbaidje | beoarbaidje Wältext]
-
Deele fon do Fresken unner ju Biteekenge "Epos fon dät mexikoanske Foulk", äntsteen twiske 1929 un 1935 in dän Palacio Nacional. -
Uk uut dät "Epos fon dät mexikoanske Foulk": "Mexiko däälich un mäiden". Wan me ju Bielde toufäärme in sien Symbolik bikikt un ätters in dän Touhoopehong fon dät heele Kunstwierk sjucht, is tou ärkannen, wäkke Hoopenge Rivera mäd dän Komunismus ferbindt. Do Bielden deerfoar wiese dän Kamp twiske Azteken, un noch deerfoar wiese jo do Azteken mäd hier Moanskenoffer. Man mäd düsse Bielde lät Rivera do Ljuude positiv in ju Toukumst kieke. -
"Die Moanske foar ju Paad-Skiere" (1934 in dän Palacio de Bellas Artes in Mexiko-Stääd) - düsse Bielde is moald ätter dän atheistiske Toacht, dät die Moanske säärm dän Loop fon ju Waareld stjuurje kuude. -
"Wäl iete mai, skuul wierkje" - düsse Bielde lät säildsoam: Hier wäd juust aan Kunstler ferhäuwen, un dät unner dän Titel "Wäl iete mai, skuul wierkje" is fielicht säärm-kritisk, man fielicht uk een Kritik oun Ljuude, do so toanke.
