Die litje Prins

Uut Wikipedia
Wikselje tou: Navigation, Säike (08)
Antoine de Saint-Exupéry

Die litje Prins is ju Seelter Uursättenge fon dät frantsööske Bäidensbouk "Le Petit Prince" fon Antoine de Saint-Exupéry (New York, 1943). Dät Bouk is uursät fon Margaretha Grosser, ju 2010 uk dät Bäidensbouk "Tuusterpäiter" ätter dät Seelterske uursät häd. Dät Bouk "Le Petit Prince" is ätter 140 uur Sproaken uursät un is 1998 uk uursät ätter dät Wäästfräiske fon Jacobus Quiryn Smink, die 2010 uk dät Bäidensbouk "Tuusterpäiter" ätter dät Wäästfräiske uursät häd. "Le Petit Prince" is uk ätter two Dialekte fon ju Noudfräiske Sproake uursät wuuden.

Hier aan litjen Tekst fon dän Skrieuwer:

Säks Jiere waas iek oold. Do kreech iek moal een Bouk uur dän Urwald tou foatjen. Dät hiede ju Uurskrift: Weere Fertälster. Un deeroun foont iek een froaie Bielde. Dät stoalde een Riesenschlange deer, wo ju een Wüülddiert in’t Geheel ferslook un deerbie rukhoalsede. Iek hääbe ju Bielde hier foar die oumoalt.

Binne in düt Bouk stuud: „Boa rukhoalsed hiere Fangst ap eenmoal deel. Ätterdäm kon sik sun Boa nit moor röögje. Dan släpt ju säks Mounde, un in düsse Tied wät die Fangst ferknuused.”

Iek hääbe domoals ful ättertoacht uur dän Dschungel un wät me deer binne nit alles belieuwje kon. Iek hääbe dan uk mäd’n Faawpänne ju allereerste Bielde in mien Lieuwend moalt. […] Iek moaste mien Mästerwierk dan uk fluks do grooten Ljude wiesje un hääbe altied fräiged, of jo uk boang sunt foar mien Bielde.

Die Foaks kwäd tou dän Prins:

Hier is mien Stilkenhaid. Dät is gans eenfach.Man sjucht bloot mäd dät Haat goud. Dät Upperste is foar do Ogene nit tou sjoon.

Margaretha Grosser mäd "Die Litje Prins"

Uutgoawen[Beoarbaidje | Quelltext bearbeiten]

Ferbiendenge ätter buten[Beoarbaidje | Quelltext bearbeiten]

Wikimedia Commons Klik hier foar moor touheerige Mediendoatäie ap Wikimedia Commons.