Boare

Uut Wikipedia
Wikselje tou: Navigation, Säike (08)
Boare
N Europäisken Bruunboar Ursus arctos arctos
N europäisken Bruunboar (Ursus arctos arctos)
Systematik
Unnerklasse: Eutheria (Normoale Suugedierte,
juunuur Püüt-Dierte un Uursuugedierte)
Uuroardenge: Laurasiatheria
Oardenge: Roowdierte (Carnivora)
Uurfamilie: Huunde-äänelke (Canoidea)
Familie: Boare (Ursidae)

Do Boare (Ursidae) sunt ne Familie fon do Roowdierte. In Düütsklound is juu europäiske Unneroard - juu Nominatfoarm - fon dän Bruunboar (Ursus arctos) autochthon, man disse Boarenoard is nu in groote Deele fon Europa, ook in Düütsklound, uutstuurwen, wült hie mongs do Huusdierte fon do Moanskene friet. In Afrikoa roate dät ook bloot ne Unneroard fon dän Bruunboar, gnau: in do Atlas-Bierge. Hier is hie sänt dät 19. Jierhunnert uutstuurwen (fermoudelk uum sowät 1870-1880) un dät rakt neen gnauere Informatione uur disse Population. In Noudamerikoa rakt dät ook two Bruunboare Unneroarden un in Asien ook n poor. Juu Kost fon do Bruunboare is Flask, Bäien, Huunich, Gäärs, Fiske un Poagestoule. Die Amerikoaniske Swotte Boar (Ursus americanus) lieuwet ook in Noudamerikoa un frät foarallen Plonten, un wan hie Dierte frät, sunt dät normoal Insekte, man säilden ook groote Suugedierte, wierbie dät maastens kroanke Dierte sunt. Äänelk uutsjo-ende Oarde rakt dät in Asien ook: Die Asiatiske Swotte Boar (Ursus thibetanus), die Malayiske Boar (Ursus malayanus) un, n bitje knooperger, juu Oard Melursus ursinus. In Suudamerikoa rakt dät bloot een Boarenoard, juu Oard Tremarctos ornatus), juu ook swot is. In juu Arktis rakt dät dän Iesboar (Ursus maritimus). Die "Panda", as me ne chinesiske swotbunte Boare-oard naamt (Ailuropoda melanoleuca), frät bienaist bloot Plonten, foarallen Bambus.


Wiki letter w.svg
Dissen biologisken Artikkel is n Stump.
Hälp jädden deeran mee, dät tou ferbeeterjen.
Mushroom.svg