Assimilation (Phonetik)

Uut Wikipedia

Assimiliation is n phonetisk Protsäs. Dät rakt two Soarten Assimilation, regressive un progressive Assimilation. Regressive Assimilation rakt dät ap maaste.

Regressive Assimilation[Beoarbaidje | beoarbaidje Wältext]

Ju wirket ätter links, dät hat, dät n bestimd Luud n uur Luud beienfloudet, wät eer kumt.

Assimilation fon Steede[Beoarbaidje | beoarbaidje Wältext]

Deerbie wäd n Luud fon sien Artikulationssteede leeken, so t.B. dät n, dät gewöönelk dentoal uutspreeken wäd:

  • Foar dät veloare k of g annert dät n sik tou dät veloare ng [].

Biespil: en gouden Gong wäd tou eng goudn Gong []. Deeruut sjucht me, dät ju Assimilation nit altied apträt: in dät Biespil kumt ju Kombination n-g twäie foar, man bloot in dän eerste Fal rakt dät Assimilation.

  • Foar dät bilabioale m, p, of b annert sik dät n tou dät bilabioale m.

Biespil: dien Määme wäd tou diem Määme [].

Assimilation fon Stämme[Beoarbaidje | beoarbaidje Wältext]

Deerbie rakt dät two Haudräägele.

Stämloosen Plosiv
  • Stämloosen Plosiv + stämhaften Plosiv wäide tou ne stämhafte Luudgruppe.

Biespil: apbierge wäd tou abbierge [].

Stämloos Wrieuweluud
  • Stämloos Wrieuweluud + stämhaft Luud wäide tou ne stämhafte Luudgruppe.

Biespil: loos läite wäd tou looz läite [], wierbie z stoant foar stämloos Wrieuweluud [].

Progressive Assimilation[Beoarbaidje | beoarbaidje Wältext]

Ju wirket ätter gjuchts, dät hat, dät n bestimd Luud n uur Luud beienfloudet, wät leeter kumt.

  • Stämloos Wrieuweluud of stämloosen Plosiv + d fon litje Woude as di, dät, disse, dan, der, doo moaket dät d stämloos.

Biespil: ap dän Bierich wäd tou ap tän Bierich [].

  • Dät s fon dät Foarwoud se wäd tou z [].

Biespil: wol se wäd tou wol ze [].

Ferbiendengen[Beoarbaidje | beoarbaidje Wältext]